Lister..

...Er det altfor lenge sidan eg har komt opp med. Derfor kjem det no ei heilt random liste berre for å liste litt. Fordi lister er gøy!

• 22,8 kuldegrader er kaldt.
• Som den barnslige drittungen eg er, går eg gjerne ut på tur i kulden berre fordi eg føler for det. Og for å kunne skryte om at eg har gjort det.
  
• Hypotesen min om at eg er bedre i dart når eg har fått i meg tilstrekkeleg med næring, er rein løgn.
• Eg har handla verdens mest unyttige pyntegjenstand til Veronica. Og eg oppdaga at den hadde skjulte kvalitetar etter at eg kjøpte den. Enda bedre!
• Eg har kost meg med å handle på leikebutikk i dag, og var farlig nær å kjøpe lego. Til meg sjølv.
  
• Eg har visst tatt fram igjen Theme Hospital. Hjelpes, det er fortsatt gøy.
• Eg skyter glatt 250 rotter på første bonusbrettet til punktet over. Klokka eitt om natta.
• Ferie er ein ting eg ikkje forstår meg på, så eg veit ikkje heilt kva det er.
• Sosial intelligens likeså. Eg er drittlei av det og lurer på om det nokon sinne vil bli bedre. Det hadde vore fint.
  
• NRK Sogn og Fjordane har det med å ringe meg når eg helst ikkje vil snakke med dei.
• Mine touch av migrene er faen meg nesten like kjipt som å ha skikkelige anfall. Og eg har dei små toucha heile tida.
  
• Punktet over gjer meg latterleg tilbakeståande og knuser kveldar eg egentlig har tenkt å nyte alkohol, og det på ein svært effektiv måte.
• Følelsen om at det er ein god ide å mose hovudet i veggen og at det faktisk vil hjelpe, er veldig sær.
  
• Heldigvis seier logikken min at det ikkje er lurt, men psyken min har fortsatt lyst. Eg har i alle fall delvis lært meg å lytte til logikken framfor psyken.
  
• Eg har lagt min elsk på Bellman det siste døgnet.
• Eg er ferdig med alle julepresangane..
• ...eig ikkje julestemning...
• ...men gledar meg faktisk litt til å reise heim ein tur. Inkludert bussturen faktisk!
  
• Eg vil nok le til eg griner av Grevinnen og Hovmesteren i år og.
• Og eg håpar alle eg kjenner har meir julestemning enn meg og klarar å nyte jula. :)